Farg'onada "Gimnastikaga ilk qadam" musobaqasining shahar bosqichi o'tkazildi
2026-06-26 10:00:00 / Yangiliklar
Farg'ona shahridagi "Samo" sport majmuasida maktabgacha ta'lim tashkilotlari tarbiyalanuvchilari o'rtasida "Gimnastikaga ilk qadam" musobaqasining yakuniy shahar bosqichi bo'lib o'tdi.
Mazkur musobaqada shahardagi 43 ta davlat maktabgacha ta'lim tashkilotidan 6–7 yoshli qiz va o'g'il bolalar o'z mahoratlarini namoyish etdilar. Ishtirokchilar gimnastika bo'yicha tayyorlagan chiqishlari orqali o'zlarining jismoniy tayyorgarligi, epchilligi va iste'dodlarini namoyon etishdi.
Musobaqaning asosiy maqsadi bolalar o'rtasida jismoniy faollikni oshirish, gimnastika sport turiga qiziqishni kuchaytirish, sog'lom turmush tarzini keng targ'ib qilish hamda iqtidorli yosh sportchilarni aniqlab, ularni qo'llab-quvvatlashdan iborat bo'ldi.
Tadbir yakunida musobaqa g'oliblari va sovrindorlari bo'lim tomonidan I, II va III darajali diplomlar hamda esdalik sovg'alari bilan taqdirlandi.