Energiya samaradorligi milliy agentligi xodimlariga ISO 14001 xalqaro sertifikatlari topshirildi
2026-03-25 16:50:00 / Yangiliklar
Toshkent shahrida boshlangan “Markaziy Osiyo: Unumdorlikdan farovonlik sari. Mintaqaviy muloqot” xalqaro forumi doirasida ekologik menejment tizimlari bo‘yicha xalqaro sertifikatlar topshirish marosimi bo‘lib o‘tdi.
Energiya samaradorligi milliy agentligining bir guruh xodimlari ISO 14001 xalqaro standartiga muvofiq sertifikatlarni qo‘lga kiritdi. Ushbu natija agentlik jamoasining ekologik boshqaruv tizimlari, energiya samaradorligi va barqaror rivojlanish yo‘nalishlaridagi bilim va malakasi xalqaro darajada e’tirof etilganini anglatadi.
TÜV Nord Cert GmbH kompaniyasining mintaqaviy menejeri Udo Kubitz tomonidan Xalqaro akkreditatsiya tashkiloti ishtirokidagi amaliy tahlil o‘tkazildi va sertifikatlar topshirildi. Mazkur kompaniya ishtirokida o‘quv mashg‘ulotlari ham tashkil etildi.
Ta’kidlash joizki, ISO 14001 sertifikati mutaxassislarning atrof-muhitni muhofaza qilish, resurslardan oqilona foydalanish hamda ekologik xavfsizlikni ta’minlash borasidagi zamonaviy yondashuvlarni chuqur egallaganini tasdiqlaydi.