“Navro‘z – qadriyatlar va yangilanish uyg‘unligi!” mavzusida tadbir tashkil etildi
2026-03-19 15:25:00 / Yangiliklar
Energiya samaradorligi milliy agentligida 21-mart – Navro‘z umumxalq bayrami munosabati bilan “Navro‘z – qadriyatlar va yangilanish uyg‘unligi!” mavzusida bayram tadbiri yuqori kayfiyat va ko‘tarinki ruhda tashkil etildi.
Tadbirda agentlik jamoasi faol ishtirok etib, Navro‘zning mazmun-mohiyati, uning xalqimiz hayotidagi o‘rni va ahamiyati yuzasidan fikr almashildi. Yangilanish, mehr-oqibat va bag‘rikenglik g‘oyalarini o‘zida mujassam etgan ushbu ayyom ishtirokchilarga ko‘tarinki kayfiyat ulashdi.
Bayramona va samimiy muhitda o‘tgan tadbir davomida Agentlik xodimlari o‘rtasida turli ijodiy bellashuvlar tashkil etildi. Jumladan, she’riy bahslar, qiziqarli viktorinalar hamda milliy qadriyatlarimizga oid savol-javoblar o‘tkazildi. Mazkur tadbirlar ishtirokchilarda milliy qadriyatlarga hurmat tuyg‘usini kuchaytirish, o‘zaro birdamlik va ijobiy ruhni mustahkamlashga xizmat qiladi.