O'zbekiston Respublikasi Vazirlar Mahkamasi huzuridagi Energiya samaradorligi milliy agentligi

Oʻzbekiston Respublikasi Vazirlar Mahkamasi huzuridagi Energiya samaradorligi milliy agentligi tashabbusi bilan Termiz davlat muhandislik va agrotexnologiyalar universiteti rahbariyati va mutasaddilari ishtirokida uchrashuv boʻlib oʻtdi.

Uchrashuvda mamlakatimizda energiya samaradorligini oshirish, energiya resurslaridan oqilona foydalanish hamda iqtisodiyot tarmoqlarida zamonaviy energiya tejamkor texnologiyalarni joriy etish jarayonlarida malakali energiya auditorlariga boʻlgan ehtiyoj oshib borayotgani taʼkidlandi.

Tomonlar energiya audit sohasida mutaxassislar tayyorlash, qayta tayyorlash va malaka oshirish kurslarini tashkil etish, oʻquv dasturlarini xalqaro standartlar asosida takomillashtirish, nazariy bilimlarni amaliyot bilan uygʻunlashtirish masalalarini muhokama qildilar. Shuningdek, universitetning ilmiy salohiyati va moddiy-texnik bazasidan samarali foydalangan holda amaliy seminarlar, master-klasslar va amaliy mashgʻulotlarni yoʻlga qoʻyish boʻyicha kelishuvga erishildi.