Surxondaryoda energiya samaradorligi sohasidagi moliyaviy yordam va imtiyozlarga bagʻishlangan seminar oʻtkazildi
2026-02-23 15:05:00 / Yangiliklar
Energiya samaradorligi milliy agentligi tomonidan Surxondaryo viloyatida tadbirkorlik subyektlari va aholi uchun energiya samaradorligi hamda qayta tiklanuvchi energiya manbalarini joriy etishda ajratilayotgan subsidiya va kompensatsiyalar, shuningdek, mavjud soliq imtiyozlariga bagʻishlangan seminar tashkil etildi.
Tadbirda viloyat hokimligi vakillari, Bandlik boshqarmasi mutasaddilari, hokim yordamchilari, mahalla raislari hamda tadbirkorlik subyektlari ishtirok etdilar.
Seminar yakunida ishtirokchilar tomonidan taklif va mulohazalar bildirilib, mavjud imtiyozlardan samarali foydalanishni taʼminlash maqsadida targʻibot ishlarini kuchaytirish boʻyicha qaror qabul qilindi.
Mazkur tadbir hududda tadbirkorlik subyektlari va aholi oʻrtasida energiya samaradorligi hamda qayta tiklanuvchi energiya manbalariga boʻlgan qiziqish va talabni yanada oshirish, shuningdek, aholi farovonligini taʼminlashga xizmat qiladi.