O‘zbekiston Respublikasi Oliy taʼlim, fan va innovatsiyalar vazirligi

Forumni tashkil etishdan ko‘zlangan asosiy maqsad millatlararo totuvlik va madaniyatlararo hamjihatlikni mustahkamlash, arab tilini o‘qitish metodologiyasi, tilshunoslik sohasidagi zamonaviy tendensiyalar va istiqboldagi vazifalarni tahlil qilish, shuningdek, mavjud muammolarni aniqlash va ularni hal etish yo‘nalishidagi yechimlarni muhokama qilishdan iborat.

Forumning yalpi majlisini akademiya rektori M. Komilov, Oliy ta’lim, fan va innovatsiyalar vazirligining boshqarma boshlig‘i O. Bozorov va Toshkent davlat sharqshunoslik universiteti prorektori N. Abdullayev kirish so‘zlari bilan ochdilar.

Ular mamlakatimizda xorijiy tillarni o‘rgatishni yangi bosqichga olib chiqish va sohani rivojlantirish bo‘yicha tizimli ishlar amalga oshirilayotgani, yosh avlodni har tomonlama barkamol qilib tarbiyalashga katta e’tibor qaratilyotgani haqida fikr bildirdilar.

Forum davomida quyidagi mavzular bo‘yicha ma’ruza va muhokamalar o‘tkazildi:

- Toshkent davlat Sharqshunoslik universiteti professori Sh. Yovqochev “O‘zbekiston davlat universitetida arabshunoslik rivoji” mavzusida;
- O‘mon Sultonligi Sulton Qobus arab tili instituti professori dr. Salim bin Sulaymon Busaidiy “Sulton Qobus arab tili institutining arab tilini o‘rgatish tajribasi” masalasida;
- Akademiyaning “Arab tili va adabiyoti Al-Azhar” kafedrasi mudiri dr. R. Matibaeva “O‘zbekiston xalqaro Islom Akademiyasining arab tilini o‘qitish tajribasi” bo‘yicha;
- Misr Arab Respublikasining al-Minya universiteti professori dr. Ahmad Muso Sayfuddin “Til – lisoniy ifoda vositasi sifatida” mavzusida;
- Rossiya Federatsiyasining Dog‘iston universiteti dotsenti fil.f.n., dos. Gusein Tikaev “Dagestanskix arabografik tarixiy asarlar tarjimasi va tekstologiyasi muammolari” bo‘yicha;
- ICESCO tashkiloti qoshidagi Arab tili markazi eksperti dr. Yusuf Ismoiliy “Lingvistika ta’limi va uning arab bo‘lmaganlar uchun arab tili o‘qituvchilarini tayyorlashdagi o‘rni” masalasida.

Ma’ruzalar davomida adabiyotshunoslar, manbashunoslar, tarixchilar, tilshunos-filologlar, siyosatshunoslar va boshqa soha mutaxassislari arab tilini o‘qitishdagi zamonaviy yondashuvlar, til va sun’iy intellektning muvofiqlashtirilishi, manbashunoslik va tilshunoslik asoslari, shuningdek, til, tarix, madaniyat va siyosatning o‘zaro aloqadorligi kabi dolzarb masalalarni keng muhokama etdilar.

Forum, nafaqat arabshunoslik sohasidagi ilmiy va amaliy tadqiqotlarni yanada rivojlantirishga, balki yangi loyihalarni amalga oshirish, yosh avlodni arabshunoslik sohasiga jalb qilish va xalqaro hamkorlikni kengaytirish