Ikkinchi O‘zbekiston-Belarus ayollari biznes-forumi doirasida ta’lim, sog‘liqni saqlash, madaniyat va turizm sohalaridagi hamkorlik muhokama qilindi
2024-08-26 14:35:00 / Vazirlik yangiliklari
Unda O‘zbekiston va Belarus parlamenti va hukumati a’zolari, ta’lim, sog‘liqni saqlash, turizm va madaniyat sohasi vakillari hamda ommaviy axborot vositalari vakillari ishtirok etishdi.
Uchrashuvda O‘zbekiston-Belarus o‘rtasida ikki tomonlama hamkorlik, xususan, ta’lim, sog‘liqni saqlash, turizm va madaniyat sohalaridagi Hukumatlararo imzolangan kelishuvlar ijrosi, istiqbolda amalga oshirilishi rejalashtirilgan loyihalar muhokama qilindi.
Jumladan, 2023-yilda sog‘liqni saqlash sohasida aholining reproduktiv salomatligini saqlash, onalik va bolalikni muhofaza qilish yo‘nalishida 120 dan ortiq kelishuv va memorandumlar imzolanganligi, Qashqadaryo viloyatida onalik va bolalikni muhofaza qilish bo‘yicha Belarus tajribasi yo‘lga qo‘yilayotganligi, 900 nafar patronaj doyalar Belarus o‘quv dasturlari asosida o‘qitilganligi qayd etildi.