Denov tumanida Mustaqillik bayrami munosabati bilan 100 oilaning 200 nafar farzandiga o‘quv anjomlari va esdalik sovg‘alari topshirildi
2025-08-28 22:00:00 / Yangiliklar
#Jarayon
Tadbir davomida bolajonlarga zarur maktab jihozlari - stol, stul, sumka, kim-bosh hamda turli esdalik sovg‘alari taqdim etildi. Ushbu xayrli tashabbus yoshlarda bayram kayfiyatini yanada oshirib, ularning bilim olishga bo‘lgan ishtiyoqini mustahkamlashga xizmat qilmoqda.
Denov tumani hokimi Ilhom Abrorov farzandlarga mustaqillik bayramini muborakbod etib, ularning bilimli, intellektual salohiyatli va vatanparvar bo‘lib voyaga yetishlari uchun barcha sharoitlar yaratilib borilayotganini ta’kidladi.
— “Bugungi farzandlar — ertangi kunimizning bunyodkorlari. Ularning bilimli va yetuk inson bo‘lib ulg‘ayishlari uchun barchamiz mas’ulmiz. Mustaqillik bayrami arafasida yoshlarimizga sovg‘a qilinayotgan ushbu o‘quv jihozlari ularning kelgusi o‘quv yilida yaxshi natijalarga erishishlariga xizmat qiladi”,
— dedi hokim.
Ushbu ezgu tashabbus ota-onalar va mahalla faollari tomonidan ham iliq kutib olindi. Ular davlat va jamiyat tomonidan oilalarga, ayniqsa, yosh avlodga ko‘rsatilayotgan bunday e’tibor va g‘amxo‘rlik uchun minnatdorlik bildirishdi.