Surxondaryo viloyati Denov tumani hokimligi

O‘rganish davomida har bir obyektda amalga oshirilayotgan qurilish va ta’mirlash ishlarining sifati, belgilangan muddatlarga rioya etilishi, yangi o‘quv yilini munosib kutib olish uchun yaratilayotgan shart-sharoitlar atroflicha ko‘zdan kechirildi. Maktab va bog‘chalarda olib borilayotgan ishlarni belgilangan muddatlarda sifatli yakunlash, ta’lim muassasalarini kuz-qish mavsumiga tayyor holga keltirish yuzasidan mas’ullarga zarur topshiriqlar berildi.

Shuningdek, bolalarni maktabgacha ta’lim bilan qamrab olish ko‘rsatkichlarini yanada oshirish, mavjud quvvatlardan samarali foydalanish hamda yangi imkoniyatlarni ishga solish masalalari muhokama qilindi. Kam ta’minlangan oilalar yashayotgan xonadonlarning holati ham o‘rganilib, ularni ta’mirlash va zarur sharoitlarni yaratish bo‘yicha amalga oshirilayotgan ishlar tahlil qilindi.

Bundan tashqari, mahallalarda obodonlashtirish va ko‘kalamzorlashtirish ishlarini jadallashtirish, sanitariya-tozalash tadbirlarini kuchaytirish, ichki ko‘chalar, jamoat joylari va ijtimoiy obyektlar atrofini tartibga keltirish, hududlarning ozodaligini ta’minlash bo‘yicha ham mas’ullarga aniq vazifalar yuklatildi.

O‘rganish yakunida aniqlangan kamchiliklarni qisqa muddatlarda bartaraf etish, qurilish-ta’mirlash ishlarining sifatini oshirish hamda barcha belgilangan vazifalarni o‘z vaqtida va sifatli bajarish yuzasidan mas’ullarga aniq ko‘rsatmalar berildi. Ushbu yo‘nalishdagi ishlar doimiy nazorat ostida olib borilishi ta’kidlandi.