Denov tumanida probatsiya nazoratidagi mahkumlar bilan ishlash bo‘yicha tizimli ishlar davom etmoqda
2026-05-16 10:00:00 / Yangiliklar
Viloyat prokurorining O‘zbekiston Respublikasi Prezidentining 2026-yil 5-yanvardagi qarori hamda sohaga oid boshqa qonunchilik hujjatlari ijrosini ta’minlash, shuningdek “Olmazor” tajribasini Denov tumanida joriy etish yuzasidan qabul qilingan farmoyishi asosida bir qator amaliy ishlar olib borilmoqda.
Xususan, Denov tumani probatsiya bo‘linmasi hisobida turuvchi, jazoni o‘tayotgan mahkumlarning jazoni o‘tash davrida belgilangan tartib-qoidalarga rioya qilgani hamda tayinlangan jazoning belgilangan qismini o‘tagani inobatga olinib, 16 nafar mahkum O‘zbekiston Respublikasi Jinoyat kodeksining 73-moddasiga asosan jazoni o‘tashdan muddatidan ilgari shartli ravishda ozod qilindi.
Shuningdek, sud tomonidan tayinlangan jazoni o‘tamagan, tartibni buzgan hamda jazoni o‘tashdan bo‘yin tovlagan 2 nafar mahkumga nisbatan tayinlangan jazoning o‘talmagan qismi ozodlikdan mahrum qilish jazosi bilan almashtirildi.