Yoshlar o‘rtasida jinoyatchilikning oldini olish masalalari muhokama qilindi
2026-10-08 23:15:00 / Axborot xizmati
Namangan viloyati hokimi Shavkatjon Abdurazzoqov boshchiligida viloyat huquqni muhofaza qiluvchi idoralar rahbarlari Chortoq tumanidagi o‘rganishlari davomida kriminogen vaziyati og‘ir bo‘lgan mahallalar "yettiligi" bilan uchrashdi.
"Damariq" MFY binosida bo‘lib o‘tgan muhokama yig‘ilishida tuman mahallalaridagi mavjud holat, jinoyatchilikning kelib chiqish sabablari va yoshlar bilan ishlashdagi mavjud muammolar tahlil qilindi.
Bunda tumanda yoshlar jinoyatchiligi holati, jinoyat sodir etilgan mahallalar va sabablar tahlili, profilaktik hisobdagi hamda alohida e’tibor talab etadigan yoshlar bilan ishlash natijalari ko‘rib chiqildi.
Yoshlarning bo‘sh vaqtini mazmunli tashkil etish, ularni ta’lim, kasb-hunar va bandlikka yo‘naltirish, profilaktik ishlarni kuchaytirish orqali huquqbuzarliklarning oldini olish masalalariga alohida e’tibor qaratildi.
Har bir mahalla kesimida muammoli yoshlar bilan manzilli ishlash, ularning muammolarini o‘rganish va aniq yechimlar asosida natijadorlikni ta’minlash bo‘yicha vazifalar belgilandi.