Chilonzor tumanida fuqarolar qabuli bo‘lib o‘tdi
2026-09-11 17:40:00 / Yangiliklar
O‘zbekiston Respublikasi Prezidentining Chilonzor tumanidagi Xalq qabulxonasida tuman hokimligi mutasaddilari ishtirokida navbatdagi fuqarolar qabuli tashkil etildi.
Qabulda 30 nafardan ortiq fuqaro o‘zlarini qiynayotgan turli masalalar bilan murojaat qildi. Qabul davomida quyidagi yo‘nalishlardagi muammolar tahlil qilindi:
Kommunal soha va uy-joy bilan ta’minlanish;
Bandlik va ishga joylashish;
Sog‘liqni saqlash va salomatlikni tiklash;
Boshqa ijtimoiy-iqtisodiy masalalar.
Fuqarolar tomonidan yo‘llangan har bir murojaat mutasaddilar tomonidan batafsil o‘rganib chiqildi. Aniqlangan muammolarni qisqa muddatlarda bartaraf etish yuzasidan mas’ul shaxslarga aniq topshiriqlar berildi hamda ularning ijrosi qat’iy nazoratga olindi.