Toshkent shahar Chilonzor tumani hokimligi

Jarayonda O‘zbekiston Respublikasi Prezidentining Toshkent shahar Xalq qabulxonasi mudiri o‘rinbosari Tolibjon Orziyev hamda Toshkent shahar hokimligining Jismoniy va yuridik shaxslarning murojaatlari bilan ishlash bo‘limi boshlig‘i Saidazimxon To‘laganov bevosita ishtirok etdi.

Mas’ullar tumanimizda aholi tomonidan yo‘llangan murojaatlarning ko‘rib chiqilish holati, ularning yechimiga qaratilgan tizimli ishlar va ijro intizomini batafsil tahlil qildilar.

O‘rganishlar yakuniga ko‘ra, har bir murojaatni qisqa muddatlarda va sifatli ko‘rib chiqish, fuqarolar bilan ishlash samaradorligini yanada oshirish hamda muammolarni ijobiy hal etish yuzasidan tuman hokimligi mas’ullariga kerakli tavsiya va ko‘rsatmalar berildi.