Toshkent shahar Chilonzor tumani hokimligi

Prezidentimizning bog‘cha yoshidagi bolalarni MTTlar bilan qamrab olish borasidagi ko‘rsatmalari hamda aholi talablaridan kelib chiqib Chilonzor tumani hokimi Saidqahhor Xolxo'jayevning tashabbusi bilan o‘tgan yili hududda yangi davlat MTTsi qurilishi boshlangan edi.

Ayni paytda zamonaviy bog‘cha binosi to‘liq qurib bitkazildi. Hozirda uni foydalanishga topshirish bo‘yicha qizg‘in tayyorgarlik ishlari olib borilmoqda.

Bugun tuman hokimi Saidqahhor Xolxo‘jayev, tuman prokurori, tuman IIOFMB rahbari va boshqa mas’ullar MTT binosidagi yakuniy tayyorgarlik jarayonlarini ko‘zdan kechirdi. O‘rganishlar davomida aniqlangan kamchiliklarni tezkor bartaraf etish, bolajonlar va mahalla ahli uchun binoni sifatli topshirish bo‘yicha mas’ullarga aniq topshiriqlar berildi.

Yaqin kunlarda “Beshqo‘rg‘on” mahallasida ushbu zamonaviy MTTning tantanali ochilish marosimi bo‘lib o‘tadi.