Gavhar koʻchasi shaharsozlik va yangi dizayn kodi asosida tartibga keltiriladi

Poytaxtimizning barcha koʻchalari jahon standartlariga mos, aholi uchun qulay va zamonaviy shaharsozlik qoidalariga muvofiq boʻlishi lozim.

Bu borada Chilonzor tumanida ham barcha koʻchalar tuman hokimi, tuman prokurori, tuman IIOFMB rahbari, tuman Soliq inspeksiyasi boshligʻi va boshqa masʼullar ishtirokida oʻrganilib, ularni tartibga keltirish boʻyicha chora-tadbirlar belgilanmoqda.

Xususan, bugun tumanimizning Gavhar koʻchasida aholidan kelib tushgan murojaatlar asosida Chilonzor tumani hokimi Saidqahhor Xolxoʻjayev boshchiligidagi masʼullar tomonidan navbatdagi oʻrganishlar oʻtkazildi.

Oʻrganishlar jarayonida koʻchalarning holati, yoʻl belgilarining qulayligi, yoʻl chekkalaridagi noqonuniy qurilmalar va boshqa holatlarga alohida eʼtibor qaratildi.

Yakunda koʻchani toʻliq shaharsozlik qoidalariga hamda shaharning yangi dizayn kodiga moslashtirish boʻyicha aniq vazifalar belgilab olindi.

Oxirgi yangilanish: 2026-06-12 11:01:08