Toshkent shahar Korrupsiyaga qarshi kurash hududiy kengashining 1-majlisi o‘tkazildi
2026-02-03 17:00:00 / Yangiliklar
Toshkent shahar Korrupsiyaga qarshi kurash hududiy kengashining 1-majlisi bo‘lib o‘tdi. Majlisda davlat va jamoat tashkilotlari vakillari, mas’ul rahbarlar ishtirok etdilar.
Yig‘ilish kun tartibiga muvofiq, korrupsiyaga qarshi kurashish sohasida amalga oshirilayotgan ishlar, mavjud muammolar va kelgusidagi ustuvor vazifalar muhokama qilindi.
Majlisda Chilonzor tumani hokimi Saidqahhor Xolxo‘jayev ma’ruza bilan ishtirok etib, tumanda korrupsiyaga qarshi kurashish yo‘nalishida amalga oshirilayotgan chora-tadbirlar, ochiqlik va shaffoflikni ta’minlash, aholi va tadbirkorlar bilan ishlashda adolatli yondashuvni kuchaytirish bo‘yicha olib borilayotgan ishlar haqida batafsil ma’lumot berdi.
Shuningdek, ma’ruzada davlat xizmatlarini ko‘rsatish jarayonlarini raqamlashtirish, jamoatchilik nazoratini kuchaytirish hamda korrupsiyaviy holatlarning oldini olishga qaratilgan tashkiliy choralar natijalariga alohida e’tibor qaratildi.
Majlis yakunida mas’ullarga korrupsiyaga qarshi kurashish sohasidagi ishlarni yanada tizimli ravishda tashkil etish, aniq taklif va tashabbuslarni amalga oshirish bo‘yicha tegishli topshiriqlar berildi.