Davlat mehnat inspeksiyasi faoliyatida qonuniylik va shaffoflik masalalari muhokama qilindi
2026-08-21 10:10:00 / Yangiliklar
☑️Kambag'allikni qisqartirish va bandlik vazirligida “Davlat mehnat inspeksiyasi faoliyatida qonuniylik va shaffoflikni taʼminlash: nazorat tadbirlarida korrupsiyaviy xavflarning oldini olish va tadbirkorlik subyektlari huquqlarini himoya qilish” mavzusida seminar bo‘lib o‘tdi.
☑️Bosh prokuratura, Korrupsiyaga qarshi kurashish agentligi, Biznes-ombudsman devoni va vazirlik masʼullari ishtirok etgan mazkur tadbirda Davlat mehnat inspeksiyasi tomonidan nazorat tadbirlarini qonunchilik talablari asosida o‘tkazish, mansabdor shaxslarning vakolat doirasidan chetga chiqishining oldini olish, korrupsiyaviy xavflarni aniqlash va bartaraf etish masalalariga eʼtibor qaratildi.
☑️Shuningdek, inspektorlar faoliyatida korrupsiyaga qarshi komplayens-nazorat tizimi, kasbiy etika va tadbirkorlar huquqlarini himoya qilish masalalari muhokama qilindi. Ochiq muloqotda qonuniylik, shaffoflik va xolislikni ta’minlash yuzasidan savol-javoblar, taklif va tavsiyalar bildirildi.