Jizzax viloyati Kambag‘allikni qisqartirish va bandlik boshqarmasi

“O‘zbekistonda makkajo‘xori yetishtirishning amaliy texnologiyalari va agrar soha bo‘yicha malakali kadrlarni tayyorlash dasturi” yuzasidan bugun seminar ishtirokchilari Jizzax viloyatining Arnasoy tumanida bo‘lishdi. Mazkur dastur Shinjon qishloq xo‘jaligi universiteti tomonidan tashkil etilib, Toshkent davlat agrar universiteti hamkorligida, shuningdek, Xitoy–Markaziy Osiyo kambag‘allikni qisqartirish bo‘yicha hamkorlik markazi va O‘zbekiston Respublikasi kambag‘allikni qisqartirish va Bandlik vazirligi ko‘magida amalga oshirilmoqda. Xalqaro hamkorlik Universitet ochiq ta’lim tamoyiliga amal qilib, “Bir makon, bir yo‘l” ta’lim tashabbusini faol ilgari surmoqda. Bugungi kunga qadar u 20 dan ortiq mamlakat va hududdagi 80 ta universitet hamda ilmiy-tadqiqot muassasasi bilan hamkorlik aloqalarini yo‘lga qo‘ygan. Shinjon qishloq xo‘jaligi universitetining Iqtisodiyot va menejment fakulteti 1952-yilda tashkil etilgan bo‘lib, sobiq Bayi qishloq xo‘jaligi kollejining Qishloq xo‘jaligi iqtisodiyoti bo‘limi negizida shakllangan. U Xitoydagi eng qadimiy qishloq xo‘jaligi iqtisodiyoti bo‘limlaridan biri hisoblanadi. Toshkent davlat agrar universiteti 1930-yilda tashkil topgan Toshkent davlat agrar universiteti O‘zbekistonning qishloq xo‘jaligi sohasidagi yetakchi oliy ta’lim va ilmiy-tadqiqot muassasalaridan biridir. 2026-yil iyun oyida universitet vakillari Urumchi shahrida o‘tkazilgan Xitoy–Markaziy Osiyo ta’lim–ishlab chiqarish–ilmiy tadqiqot hamkorligi konferensiyasida qatnashdi. Unda tomonlar paxta va makkajo‘xori yetishtirish texnologiyalari, suvni tejovchi sug‘orish va qishloq xo‘jaligini mexanizatsiyalash bo‘yicha hamkorlik yo‘nalishlarini yanada aniqlashtirdi. Ushbu malaka oshirish dasturi ham ikki universitet hamkorlik doirasidagi muhim tadbirlardan biri bo‘lib, Toshkent davlat agrar universiteti tinglovchilarni tanlash va tashkillashtirishga katta ko‘mak ko‘rsatdi.   Xitoy–Markaziy Osiyo kambag‘allikni qisqartirish bo‘yicha hamkorlik markazi 2025-yil 17-iyun kuni Ikkinchi “Xitoy–Markaziy Osiyo” sammitida XXR Raisi Si Szinpin Xitoy–Markaziy Osiyo hamkorligi doirasida Xitoy–Markaziy Osiyo kambag‘allikni qisqartirish bo‘yicha hamkorlik markazi tashkil etilishini e’lon qildi va Markaziy Osiyoning besh davlati rahbarlari bilan birga Markaz lavhasining ochilish marosimida ishtirok etdi. 21-iyul kuni Markaz Shinjon-Uyg‘ur avtonom rayoni Qishloq xo‘jaligi va qishloq ishlari departamentida rasman ish boshladi. O‘zbekiston Respublikasi Kambag‘allikni qisqartirish va bandlik vazirligi mamlakatda bandlikni rag‘batlantirish va kambag‘allikni qisqartirish ishlariga mas’ul asosiy davlat organidir. Prezident Shavkat Mirziyoyev ilgari surgan “O‘zbekiston–2030” strategiyasi asosida qishloq joylarda bandlikni rivojlantirish, kichik va mikro tadbirkorlikni qo‘llab-quvvatlash, ijtimoiy ta’minot va kasbiy ko‘nikmalar bo‘yicha o‘qitishni amalga oshirish kabi muhim vazifalarni bajaradi. 2025-yil holatiga ko‘ra, Vazirlik mamlakatning 14 hududida kambag‘allikni qisqartirish xizmat markazlarini tashkil etgan, mahalla darajasida kambag‘allikni qisqartirish usulini ilgari surgan va 1,5 milliondan ortiq ehtiyojmand aholining kambag‘allikdan chiqishiga ko‘maklashgan. Qishloq xo‘jaligi orqali kambag‘allikni qisqartirish sohasida Vazirlik oilaviy bog‘dorchilik, issiqxona xo‘jaligi va chorvachilik kabi tomorqa iqtisodiyotini faol rivojlantiradi, qishloq xo‘jaligi qiymat zanjirlarini uzaytirish va fermerlar daromadini oshirishga ko‘maklashadi, shuningdek, agrar texnologiyalar bo‘yicha kadrlar tayyorlash va tarmoq hamkorligi orqali kambag‘allikni qisqartirish yuzasidan Xitoy bilan hamkorlik yo‘llarini faol o‘rganadi. Ushbu malaka oshirish dasturi O‘zbekiston Respublikasi Kambag‘allikni qisqartirish va bandlik vazirligi tomonidan katta qo‘llab-quvvatlandi. Vazirlik tinglovchilarni tanlash va tavsiya etishni muvofiqlashtirdi, ishtirokchilarning qishloq xo‘jaligi texnologiyalarini quyi bo‘g‘inlarda targ‘ib etuvchi mutaxassislar orasidan saralanishini ta’minladi va dastur muvaffaqiyatli o‘tkazilishi uchun tashkiliy yordam ko‘rsatdi.