Jizzax viloyati Kambag‘allikni qisqartirish va bandlik boshqarmasi

BYDda 700 ta ish o‘rnini dual ta’lim asosida shakllantirish muhokama qilindi Jizzaxda BYD Uzbekistan Factory korxonasining kadrlarga bo‘lgan ehtiyojini qoplash va yoshlarni zamonaviy kasblarga yo‘naltirish masalalari muhokama qilindi. Uchrashuvda - Kambag‘allikni qisqartirish va bandlik boshqarmasi boshlig‘i, - Kasbiy ta’lim boshqarmasi boshlig‘i, - Savdo-sanoat palatasi viloyat boshqarmasi boshlig‘i hamda - BYD bosh direktori Aziz Muhiddinovlar ishtirok etdi. Muloqot davomida korxonada 700 nafar ish o‘rnini dual ta’lim asosida shakllantirish, yoshlarni bir vaqtning o‘zida nazariy va amaliy bilimlar bilan ta’minlash masalalari ko‘rib chiqildi. Shuningdek, dual ta’limni tashkil etishning aniq mexanizmlari, ta’lim muassasalari va korxona o‘rtasidagi hamkorlikni yo‘lga qo‘yish, kadrlarni tayyorlash hamda ularni keyinchalik ish bilan ta’minlash bo‘yicha istiqbolli rejalar muhokama qilindi. Mazkur yondashuv ish beruvchining ehtiyojidan kelib chiqib malakali kadrlar tayyorlash va yoshlarni munosib ish o‘rinlari bilan ta’minlashda muhim ahamiyat kasb etadi. #Mustaqillik_35