Andijon viloyati Kambag‘allikni qisqartirish va bandlik boshqarmasi

Andijonda kambag‘allikni qisqartirish va bandlik loyihalari ijrosini o‘rgandi

Kambag‘allikni qisqartirish va bandlik vazirining birinchi o‘rinbosari Marat Jurayev Andijon viloyatida bo‘lib, hududlarda amalga oshirilayotgan ishlar bilan yaqindan tanishdi.

Xususan, Xo‘jaobod tumanining “Andijon” mahallasi, Jalaquduq tumanining “G‘alaba” va “Tayanch” mahallalari, shuningdek, Buloqboshi tumanining “Do‘lana” mahallasida bo‘lib, yangi loyihalar, ijara yerlaridan va tomorqalardan samarali foydalanish borasida amalga oshirilayotgan ishlarni o‘rgandi.

Joylardagi mavjud muammolar, aholini qiynayotgan masalalar hamda ilgari surilgan takliflar atroflicha muhokama qilindi. Aniqlangan kamchiliklarni bartaraf etish, ishlar samaradorligini yanada oshirish yuzasidan mas’ullarga tegishli topshiriqlar berildi.

Shuningdek, "Dolzarb 40 kunlik" doirasida Andijon viloyatida tashkil etilgan shtab faoliyati ham ko‘zdan kechirilib, belgilangan vazifalar ijrosi yuzasidan mas’ullarga zarur ko‘rsatmalar berildi.