“Zarafshon” mahallasida ochiq muloqot: ishsizlik va ijtimoiy muammolarga amaliy yechimlar belgilandi
2025-07-24 17:00:00 / Yangiliklar
Hozirda "Zarafshon" mahallasida 1 240 ta xonadon mavjud bo‘lib, ularda 1 280 ta oila va 3 283 nafar fuqaro istiqomat qiladi. Mahallaning asosiy iqtisodiy rivojlanish drayveri — xizmat ko‘rsatish sohasidir. O‘tkazilgan xatlov natijalariga ko‘ra, mahallada 6 nafar ishsiz fuqaro aniqlangan. Shuningdek, 22 ta kambag‘al oila ro‘yxatga olingan bo‘lib, ushbu oilalarning umumiy a’zolari soni 128 nafarni tashkil etadi.
Ma’lumotlarga ko‘ra, mahalla tomonidan amaldagi dasturlar doirasida 28 nafar fuqaroga 1 mlrd 651 million, oilaviy tadbirkorlik dasturi bo‘yicha 8 ta oilaga 137 million, "Biznesga birinchi qadam" dasturi bo‘yicha 10 nafar fuqaroga 192 million, mahalla loyihasi doirasida 20 nafar fuqaroga 745 million, "Kichik biznesni qo‘llab-quvvatlash" dasturi bo‘yicha ikkita tadbirkorga 400 million kreditlar ajratilgan.
Xatlov natijalariga ko‘ra, mahallada 6 nafar ishsiz fuqaro aniqlangan. Shuningdek, 22 ta kambag‘al oila ro‘yxatga olingan bo‘lib, ushbu oilalarning umumiy a’zolari soni 128 nafarni tashkil etadi.
Shahar hokimi Qurbon Tursunov ushbu ishsiz fuqarolar bilan birma-bir suhbatlashdi va munosib ish o‘rinlari taklif etildi.
Uchrashuv davomida mahalla aholisi tomonidan ko‘tarilgan masalalarning aksariyati joyida ijobiy hal etildi. Ba’zi vaqt talab etuvchi muammolar bo‘yicha esa mas’ul tashkilotlarga aniq topshiriqlar yuklatildi va ularning bajarilishi qat’iy nazoratga olindi.