Buxoro va Grozniy shaharlari o‘rtasida birodarlashgan shaharlar to‘g‘risida bitim imzolandi
2025-07-01 18:35:00 / Yangiliklar
Bitimga Buxoro shahar hokimi va Grozniy meri tomonidan rasmiy imzo chekildi. Tomonlar ushbu hamkorlik doirasida tajriba almashish, qo‘shma loyihalarni amalga oshirish, madaniy almashinuvlar, yoshlar va talaba almashinuvi kabi yo‘nalishlarda o‘zaro aloqalarni yo‘lga qo‘yish borasida kelishuvga erishdilar. Tadbir doirasida ikki shahar vakillari o‘rtasida muzokaralar o‘tkazilib, tomonlar savdo-iqtisodiy, turizm, shaharsozlik va ekologiya sohalaridagi o‘zaro manfaatli tashabbuslarni ilgari surish masalalarini muhokama qildilar.
Birodarlashgan shaharlar maqomi Buxoro va Grozniy o‘rtasidagi tarixiy, madaniy va ijtimoiy aloqalarning yangi bosqichga ko‘tarilishiga xizmat qilishi kutilmoqda. Ushbu hamkorlik ikki xalq o‘rtasidagi do‘stlik, o‘zaro hurmat va birdamlikni yanada mustahkamlaydi.
Ma'lumot o'rnida, Buxoro shahri hozirda dunyoning 16 ta shaharlari bilan birodarlashgan shahar munosabatlarini oʻrnatgan boʻlib, ulardan toʻrttasi Rossiya Federatsiyasidagi Bratsk, Derbent, Vladimir, Nijniy-Novgorod shaharlardir.