Rahbar va yoshlar uchrashuvi bo'lib o'tdi
2025-05-23 10:50:00 / Yangiliklar
Har qanday davlatning rivoji uning bilimli, zukko, iqtidorli yoshlari bilan chambarchas bog‘liqdir. Ana shunday iqtidor egalarining iqtidorini yuzaga chiqarish, yangi yaratuvchanlik g‘oyalarini qo‘llab-quvvatlash, ona vataniga sadoqat ruhida kamol topishiga imkon yaratish eng ustuvor vazifalardan biri hisoblanadi. Yoshlarni har tomonlama qo‘llab quvvatlash, ularning qiziqish va takliflarini tinglash borasida tegishli rahbarlar tomonidan uchrashuvlar o‘tkazish yo‘lga qo‘yilgan.
Buxoro davlat Pedagogika institutida Buxoro shahar hokimining birinchi o'rinbosari Xurshid Yaxyoyev boshchiligida “Rahbar va yoshlar uchrashuvi” tashkil etildi. Yoshlarni kasbga yo‘naltirish, hayotda o‘z munosib o‘rnini topishga ko‘maklashish, ma’naviy-intellektual salohiyati va dunyoqarashini yuksaltirish, ularni milliy qadriyat va an'analarga hurmat ruhida tarbiyalash borasida muloqot olib borildi va 2 nafar yoshga kredit ajratilishi to'g'risida tegishli choralar ko'rildi.
Mazkur uchrashuv davomida yosh avlodni barkamol qilib tarbiyalash, ularning hayotga mustaqil qadam qo‘yishlari uchun yaratilgan shart-sharoitlar haqida so'z yuritildi. Yoshlar o‘zlarining savollariga to‘liq javob olib, taklif va tashshabuslarini bildirib o‘tdilar.