Prezident topshirig‘i ijrosi: Buxoro delegatsiyasi Xorazmda “Kasblar shaharchasi” tajribasi bilan tanishdi
2026-09-08 10:30:00 / Yangiliklar
Mazkur topshiriq ijrosi doirasida Buxoro viloyati hokimining o‘rinbosari Baxtiyor Adilov, Buxoro shahar hokimi Qurbon Tursunov, tuman va shahar hokimlari, viloyat kasbiy ta’lim boshqarmasi rahbariyati hamda bir qator texnikum direktorlari Xorazm viloyatidagi “Kasblar shaharchasi”da yaratilgan sharoitlar bilan yaqindan tanishdilar.
Tashrif davomida yoshlarni zamonaviy kasblarga yo‘naltirish, amaliy ta’limni samarali tashkil etish, mehnat bozori ehtiyojlariga mos kadrlar tayyorlash, tadbirkorlik ko‘nikmalarini shakllantirish borasidagi ilg‘or yondashuvlar tahlil qilindi. Shuningdek, Xorazm tajribasini Buxoro viloyatining tuman va shaharlarida joriy etish, hududlarning mavjud imkoniyatlari va mehnat bozori ehtiyojlaridan kelib chiqib “Kasblar shaharchalari”ni tashkil etish yuzasidan fikr va takliflar almashildi. shu yerda “Aqlli mahalla” loyihasi ham taqdim etilib, uni Buxoro viloyatida joriy etish imkoniyatlari muhokama qilindi.
Mazkur tashabbuslar yoshlarni zamonaviy kasblarga keng jalb etish, ularning bandligini ta’minlash va hududlarda mehnat bozoriga talab yuqori bo‘lgan mutaxassislarni tayyorlashga xizmat qiladi.