“DXX Buxoro viloyati boshqarmasi boshlig‘i kubogi” sport musobaqasi o‘tkazilmoqda
2026-06-04 18:50:00 / Yangiliklar
Bugun ko‘hna va boqiy Buxoro shahrida sportning parashaxmat turi bo‘yicha “DXX Buxoro viloyati boshqarmasi boshlig‘i kubogi” musobaqasi yuqori saviyada tashkil etilmoqda.
Musobaqada viloyatning turli hududlaridan tashrif buyurgan 200 nafardan ortiq nogironligi bo‘lgan shaxslar hamda maxsus maktab-internatlarda ta’lim olayotgan alohida ta’lim ehtiyojiga ega yoshlar ishtirok etmoqda.
Bellashuvlar davomida ishtirokchilar o‘zlarining mantiqiy fikrlashi, strategik yondashuvi va shaxmatdagi mahoratini namoyon etib, g‘oliblik uchun munosib kurash olib bormoqda.
Mazkur musobaqa nogironligi bo‘lgan shaxslarni sportga keng jalb etish, ularning intellektual salohiyatini qo‘llab-quvvatlash, ijtimoiy faolligini oshirish hamda jamiyatda inklyuziv muhitni mustahkamlashga xizmat qilmoqda.