Buxoro shahar hokimligi

Viloyatda faoliyat ko‘rsatayotgan Boshqaruv servis kompaniyalari vakillari va sohaga daxldor korxona-tashkilotlar mehnat jamoalarining ilg‘or vakillari taklif etilgan tadbirda viloyat hokimi Botir Zaripov, Buxoro shahar hokimi Qurbon Tursunov ishtirok etdi.

Tadbirda so‘z olgan viloyat hokimi yig‘ilganlarni kasb bayrami munosabati bilan samimiy muborakbod etdi. Hamda sohada erishilayotgan yutuqlarga to'xtalib o'tdi.

Ta'kidlanganidek, ayni paytda viloyatimizdagi 29 ta boshqaruv servis kompaniyalari tomonidan shahar va tumanlardagi mavjud 2 566 ta ko‘p qavatli uylarga sifatli xizmatlar ko‘rsatilib kelinmoqda. 
Xususan, kompaniyalar qoshida 24/7 rejimida avariya-dispetcherlik xizmati va ko‘p kvartirali uylarga tutash yer maydonlarini ko‘kalamzorlashtirish va obodonlashtirish xizmatlari yo‘lga qo‘yildi. 

Qolaversa, soha tarkibidagi 2 ta issiqlik korxonasi, Buxoro suv ta’minoti aksiyadorlik jamiyati xodimlarining ham viloyat uy-joy kommunal xizmat ko‘rsatish tizimidagi faolligi alohida ahamiyat kasb etadi.

Birgina misol, Buxoro viloyati aholisini markazlashgan ichimlik suvi hamda tumanlar markazlarini oqava ta’minoti bilan ta’minlash maqsadida Osiyo infratuzilma investisiyalari banki bilan birga qiymati 633,5 mln dollarga teng loyiha ikki bosqichda amalga oshirilmoqda. Aholini toza ichimlik suv bilan ta’minlash darajasi 2016-yilgi 54,5 foizdan, 2026-yilda 80 foizga yetdi.

Markazlashgan issiqlik ta’minotini yaxshilash maqsadida esa Jahon banki ishtirokidagi “Buxoro, shahrida markazlashtirilgan issiqlik ta’minoti tizimini rekonstruksiya qilish va energiya samaradorligini oshirish” loyihasi doirasida “Buxoroenergomarkaz AJ issiqlik korxonasida umumiy qiymati 22,62 mln.AQSH dollari bo‘lgan loyiha amalga oshirildi. 

Buning natijasida Buxoro shahridagi 202 ta ko‘p qavatli uy-joylar hamda 32 ta ijtimoiy soha muassasalarining markazlashgan issiqlik ta’minoti yaxshilandi.
Shundan so'ng Qurilish va uy-joy kommunal xo‘jaligi vaziri tomonidan “Uy-joy kommunal xizmat ko‘rsatish a’lochisi” ko‘krak nishoni bilan taqdirlangan bir qator soha fidoiylariga mukofotlar tantanali ravishda topshirildi. 

Shuningdek, soha taraqqiyotiga qo‘shgan munosib hissasi, yillar davomida sadoqat bilan xizmat qilgani uchun e’tirof etilgan tizim xodimlari Faxriy yorliqlari hamda qimmatbaho sovg‘alar bilan taqdirlandilar.

Bayram tadbiri viloyatimiz san'at ustalari tomonidan tayyorlangan konsert dasturi bilan davom etdi.