"Gulchorbog‘" mahallasida kompleks rivojlanish va aholi bandligini ta’minlash ishlari o‘rganildi
2026-04-01 18:55:00 / Yangiliklar
Mazkur mahallada bugungi kunda 6 mingdan ortiq aholi istiqomat qiladi. Xonadonlar soni 1220 tani, oilalar soni esa 1856 tani tashkil etadi. Hududning asosiy rivojlanish drayveri sifatida qishloq xo‘jaligi, xususan, niholchilik hisoblanadi.
O'rganish davomida hududning sanitar holati, muhandislik-kommunikatsiya tarmoqlarini modernizatsiya qilish, yo‘l-transport infratuzilmasini yaxshilash va obodonlashtirish ishlarining borishi atroflicha o‘rganildi. Shuningdek, aholi bandligini ta’minlash, yangi ish o‘rinlarini yaratish hamda kambag‘allikni qisqartirishga qaratilgan manzilli dasturlar ijrosi tahlil qilindi.
Shahar rahbari tomonidan mas’ullarga mahallaning iqtisodiy salohiyatidan samarali foydalanish, niholchilikni yanada rivojlantirish orqali aholi daromadlarini oshirish, tadbirkorlikni qo‘llab-quvvatlash hamda ijtimoiy infratuzilmani kompleks rivojlantirish bo‘yicha aniq topshiriqlar berildi.
Mahalla faollari va aholi bilan o‘tkazilgan muloqot davomida ularning taklif va murojaatlari tinglanib, mavjud muammolarni tizimli hal etish hamda hududni barqaror rivojlantirish yuzasidan zarur chora-tadbirlar belgilab olindi.