Xotira va qadrlash – inson qadrini ulug‘lovchi muqaddas an’ana
2026-02-14 10:15:00 / Yangiliklar
Xotira va qadrlash – inson aql-zakovatining betakror ma’naviy ne’matlari, tiriklikning azaliy mezonlaridir. Bu tushunchalar xalqimizning asrlar davomida shakllangan qadriyatlari, ezgu an’analari bilan uyg‘un holda yashab kelmoqda.
O‘zbekiston “VETERAN” jangchi-faxriylarini Afg‘onistondan olib chiqilganligining 37 yilligi munosabati bilan Buxoro shahrida joylashgan Motamsaro ona haykali poyiga gulchambarlar qo‘yish marosimi tashkil etildi. Tadbir davomida Vatan tinchligi yo‘lida jonini fido qilgan yurtdoshlarimiz xotirasi chuqur hurmat va ehtirom bilan yod etildi.
Shuningdek, ushbu sana munosabati bilan viloyat musiqali drama teatrida mazmunan chuqur, tarbiyaviy ahamiyatga ega bo‘lgan spektakl namoyish etildi. Unda urushning og‘ir oqibatlari, tinchlikning bebaho ne’mat ekani va inson qadrining yuksakligi badiiy ifoda orqali ochib berildi.
Bugungi kunda xalqimiz, ayniqsa, yoshlarimiz ong-u shuurida o‘tganlarni yod etish, tiriklarni qadrlashdek insoniy fazilatlar tobora mustahkam qaror topmoqda. Zero, inson qadri ulug‘, xotirasi esa muqaddasdir.