Qurbon Tursunov texnikum rahbarlari bilan uchrashdi
2026-02-02 16:30:00 / Yangiliklar
Uchrashuv davomida kasbiy ta’lim tizimini takomillashtirish, ayniqsa dual ta’limni rivojlantirish, ta’lim muassasalari bilan ishlab chiqarish korxonalari o‘rtasidagi hamkorlikni mustahkamlash masalalari atroflicha muhokama qilindi.
Muloqotda O‘zbekiston Respublikasi Prezidentining 2025-yil 23-oktabrdagi "Kasbiy taʼlim tizimida islohotlarni amalga oshirish chora-tadbirlari toʻgʻrisida" qarori ijrosini ta’minlash, ushbu qarorda belgilangan vazifalardan kelib chiqib, texnikumlarda zamonaviy mehnat bozori talablariga mos kadrlar tayyorlash, talabalarning amaliy ko‘nikmalarini oshirish va ularni ish bilan ta’minlash mexanizmlarini takomillashtirish masalalariga alohida e’tibor qaratildi.
Shuningdek, dual ta’lim modeli doirasida ta’lim jarayonini ishlab chiqarish bilan integratsiyalash, ish beruvchilarning o‘quv jarayonidagi ishtirokini kengaytirish hamda bitiruvchilarning raqobatbardoshligini oshirish bo‘yicha taklif va tashabbuslar bildirildi. Uchrashuv yakunida belgilangan vazifalarni izchil amalga oshirish yuzasidan tegishli ko‘rsatmalar berildi.