“G‘afur G‘ulom” mahallasida faol xotin-qizlar tashabbusi qo'llab-quvvatlanilmoqda
2025-12-17 14:45:00 / Yangiliklar
Ana shunday o‘z kasbining mohir ustalaridan biri — Azima Mirzayeva Buxoro shahrining “G‘afur G‘ulom” mahallasida istiqomat qiladi. U o‘zining mehnatsevarligi va tashabbuskorligi bilan tikuvchilik sohasida munosib natijalarga erishib kelmoqda.
Tadbirkorning tashabbusi davlat tomonidan qo‘llab-quvvatlanib, unga subsidiya asosida to‘g‘ri chok va overlok tikuv mashinalari berildi. Natijada tikuvchilik faoliyati yo‘lga qo‘yildi. Dastlab uy sharoitida ish boshlagan Azima Mirzayeva keyinchalik faoliyat ko‘lamini kengaytirib, ijaraga joy olib, tikuv sexini tashkil etdi. Bugungi kunda 2 nafar fuqaroning bandligi ta’minlangan.
Tikuvchilik faoliyatidan olinayotgan oylik sof foyda 4-5 million so‘mni tashkil etadi. Ishchilarga ularning qilgan mehnatiga yarasha munosib ish haqi to‘lanadi. Ular tomonidan tikilgan liboslar esa mijozlar qalbidan joy olib, talabga ega bo‘lmoqda.
Yana bir quvonarli jihati shundaki, tadbirkor o‘z qizini ham hunar sirlaridan xabardor qilib, yoshligidan kasbga o‘rgatmoqda. Zero, yoshlikda o‘rganilgan ilm va hunar toshga o‘yilgan naqsh kabidir. Bugungi kunda u darsdan bo‘sh vaqtlarida turli xil sumkachalar to‘qish bilan shug‘ullanmoqda.
Albatta, bunday sa’y-harakatlarning barchasi farovon hayot sari tashlangan mustahkam qadamdir.