Buxoro shahar hokimligi

Shu yo‘nalishdagi eng samarali tashabbuslardan biri sifatida “Namozgoh” mahalla fuqarolar yig‘inida faoliyat yuritayotgan uy mehmonxonasini alohida ta’kidlash joiz.

Tadbirkor Sodiq G‘aybulloyevning tashabbusi bilan mehmonxona faoliyati bosqichma-bosqich kengaytirilib, imkoniyatlar yanada yaxshilandi. Unga ajratilgan 500 million so‘mlik imtiyozli kredit hisobiga sharoitlar zamon talabiga mos ravishda yangilandi.  Bugungi kunda 60 o‘ringa mo‘ljallangan ushbu mehmonxonada barcha qulayliklar mavjud bo‘lib, bir kunlik narx 120 ming so‘mdan boshlanadi. Loyihaning eng muhim jihatlaridan yana biri — mahallada yangi ish o‘rinlarining yaratilganidir. Mehmonxona faoliyati tufayli 5 nafar fuqaro doimiy ish bilan ta’minlanib, ularga oyiga 3 million so‘mdan 5 million so‘mgacha maosh to‘lanmoqda. Bu esa nafaqat aholining bandligini oshirmoqda, balki mahalla iqtisodiy hayotiga katta hissa qo‘shmoqda.

Qolaversa, “Namozgoh” mahallasida aynan shu mehmonxona yagona uy-mehmonxona sifatida faoliyat yuritayotgani uning ahamiyatini yanada oshiradi. Yaralatilgan qulayliklar, ko‘rsatilayotgan e’tiborli xizmat va yaratilgan ish o‘rinlari mahallaning iqtisodiy-ijtimoiy hayotiga ijobiy ta’sir ko‘rsatib, kelgusida ham turizm salohiyati tobora oshib borishiga zamin yaratmoqda.