“Ko‘kaldosh” mahallasida yana bir mehmonxona faoliyat boshladi
2025-11-12 11:10:00 / Yangiliklar
Shunday maskanlardan biri — Buxoro shahar “Ko‘kaldosh” mahalla fuqarolar yig‘ini hududidagi “Samarqand” ko‘chasida joylashgan “Sokin Palace” mehmonxonasidir. Tashabbuskor tadbirkor Dilfuza Jamilova rahbarligida faoliyatini boshlagan ushbu mehmonxona qisqa vaqt ichida ko‘plab mehmonlarga sifatli xizmat ko‘rsatishga lgurdi.
Zamonaviy talablarga javob beradigan, 30 mehmon o'rniga mo‘ljallangan “Sokin Palace” mehmonxonasining umumiy qiymati 1,5 milliard so‘mni tashkil etadi. Eng quvonarlisi, ushbu loyihaning ishga tushirilishi natijasida 8 nafar ishsiz fuqaro doimiy ish o‘rniga ega bo‘ldi. Bugungi kunda mehmonxona xodimlari 2 milliondan 4 million so‘mgacha oylik maosh olib, o‘z oilalari farovonligiga munosib hissa qo‘shmoqdalar.
“Sokin Palace” nafaqat mehmonlar uchun qulay sharoitlar yaratgan zamonaviy dam olish maskani, balki Buxoro shahrida bandlikni ta’minlash va barqaror daromad manbai bo‘lib xizmat qilmoqda. Mehmonlarga samimiy munosabat, chiroyli xizmat ko‘rsatish va milliy mehmondo‘stlik an’analarining uyg‘unligi ushbu maskanning eng katta yutug‘i.