Botir Zaripov Bogʻidashtdagi "Yangi Oʻzbekiston" massivi qurilishi ishlarini tanqidiy muhokama qildi
2025-01-24 21:05:00 / Yangiliklar
2024-2027-yillarda qurib bitkazilishi moʻljallangan "Yangi Oʻzbekiston” massivida loyihaga asosan 6 874 xonadonli 111 ta koʻp qavatli uy-joy barpo etiladi. Shu jumladan, hududda aholi talab va ehtiyojlaridan kelib chiqqan holda 990 oʻquvchi oʻrniga ega umumtaʼlim maktabi, 180 nafar jajji oʻgʻil-qizni oʻz bagʻriga oladigan maktabgacha taʼlim muassasasi, shuningdek, kuniga 250 qatnovga ega oilaviy tibbiy poliklinika, sunʼiy chim qoplamali kichik futbol va sport maydonchalari, yoshlar coworking markazi, kamida 2 ta savdo-maishiy xizmat koʻrsatish shaxobchasi, ekobozor va boshqa inshootlarni qurib ishga tushirish moʻljallanmoqda.
Xoʻsh, bugun qurilish maydonidagi ishlar qanday bormoqda? Bugun viloyat hokimi Botir Zaripov sektorlar rahbarlari, tegishli soha mutasaddilari, shuningdek, qurilish-pudrat tashkilotlari rahbarlari ishtirokida ayni shu masalani keng muhokama qildi.
Viloyat hokimining oʻrinbosari Jalol Arashovning maʼlum qilishicha, uy-joylarni qurish uchun tanlangan hududdagi yer maydoni 88 ta lotga boʻlib, auksion savdolariga chiqarilishi rejalashtirilgan. Bugungi kunda 69 ta lot auksion savdolariga chiqarilgan va xususiy tadbirkorlar tomonidan boʻlib toʻlash sharti bilan shartnomalar tuzilgan.
Botir Zaripov qolgan 19 ta lot boʻyicha ham yer maydonlarini auksion savdolariga chiqarish, qurilish ishlarini tarmoq jadvali asosida oʻz vaqtida amalga oshirishi va obyektlarni sifatli foydalanishga topshirish yuzasidan mutasaddilar topshiriq va koʻrsatmalar berdi. Shunga koʻra zarur chora-tadbirlar ishlab chiqilib, ijrosi nazoratga olindi.
Viloyat hokimligi matbuot xizmat