Andijon viloyati Buloqboshi tumani hokimligi

“Payshanba — Yoshlar kuni” doirasida uchrashuv o‘tkazildi 🔹 Buloqboshi tumani hokimi Furqatbek Bo‘taxonov “Payshanba — Yoshlar kuni” munosabati bilan tumandagi yoshlar bilan uchrashdi. 🔹 Ochiq va samimiy muloqot tarzida o‘tkazilgan uchrashuvda yoshlarning taklif va tashabbuslari, bandligini ta’minlash, ularni kasb-hunarga yo‘naltirish, tadbirkorlik faoliyatini boshlashi uchun zarur shart-sharoitlar yaratish hamda muammolarini o‘rganish masalalari muhokama qilindi. 🔹 Uchrashuv davomida yoshlar tomonidan bildirilgan fikr va takliflar tinglanib, ularni qo‘llab-quvvatlash, mavjud muammolarni hal etish yuzasidan mas’ullarga tegishli topshiriq va vazifalar belgilab berildi. 🔹 Shuningdek, yoshlarni ta’lim, sport, madaniyat va boshqa foydali yo‘nalishlarga keng jalb etish, ularning bo‘sh vaqtini mazmunli tashkil etish hamda kelajakdagi maqsadlarini ro‘yobga chiqarish uchun imkoniyatlarni yanada kengaytirish zarurligi ta’kidlandi. Yoshlar — yurtimiz kelajagi!