Andijon viloyati Buloqboshi tumani hokimligi

2026–2027-o‘quv yili boshlandi — ilk qo‘ng‘iroq sadolari yangradi! ✅ Bugun Buloqboshi tumanidagi barcha umumta’lim maktablarida yangi o‘quv yilining boshlanishi munosabati bilan “Bilimlar kuni” tantanalari bo‘lib o‘tmoqda. Buloqboshi tumani hokimi Furqatbek Bo‘taxonov 3-umumiy o‘rta ta’lim maktabida o‘tkazilgan tantanali tadbirda ishtirok etdi. Tadbir davomida maktab jamoasi va o‘quvchilarga Prezidentimizning bayram tabrigi o‘qib eshittirildi hamda yangi o‘quv yili munosabati bilan samimiy tilaklar bildirildi. Shuningdek, tuman hokimi 43-MIFIDUMda ham bo‘lib, yangi o‘quv yilining boshlanishi munosabati bilan o‘qituvchi va o‘quvchilarni muborakbod etdi. 🎁 Tadbirlar davomida 1-sinf o‘quvchilariga Prezident sovg‘alari tantanali ravishda topshirildi. Tantanali tadbirlarda o‘quvchilarga yangi o‘quv yilida ulkan zafarlar, mustahkam bilim va yorqin kelajak sari dadil qadamlar tilandi. Yangi o‘quv yili barchaga muborak bo‘lsin!