Andijon viloyati Buloqboshi tumani hokimligi

Bitiruvchi sinf o‘quvchilari bilan uchrashuv o‘tkazildi Buloqboshi tumani hokimi Furqatbek Bo‘taxonov va Andijon viloyati Markaziy bank rahbari Akmal Raxmonberdievlar tumandagi 3-umumta’lim hamda 43-MFIDUM maktablarining bu yilgi bitiruvchi sinf o‘quvchilari bilan uchrashdi. Uchrashuvda yoshlarning kelajakdagi maqsadlari, oliy ta’limga kirish istaklari, kasb tanlovi hamda zamonaviy bilim va ko‘nikmalarni egallash masalalari yuzasidan suhbatlashildi. Muloqot davomida o‘quvchilarning fikr va takliflari tinglanib, ularni qiziqtirgan savollarga mas’ullar tomonidan javoblar berildi. Bitiruvchilarga kelgusidagi o‘qish va mehnat faoliyatida muvaffaqiyat tilanib, o‘z oldiga katta maqsadlar qo‘yib, ularga erishish uchun astoydil harakat qilishlari ta’kidlandi.