Buloqboshi tumanida yangi investitsiya loyihasi amalga oshiriladi ✅ Andijon viloyati Buloqboshi tumanida Germaniyaning “MAERZ OFENBAU AG” kompaniyasi bilan hamkorlikda qiymati 30 million AQSh dollariga teng investitsiya loyihasini amalga oshirish rejalas
2026-08-08 16:00:00 / Yangiliklar
Buloqboshi tumanida yangi investitsiya loyihasi amalga oshiriladi
✅ Andijon viloyati Buloqboshi tumanida Germaniyaning “MAERZ OFENBAU AG” kompaniyasi bilan hamkorlikda qiymati 30 million AQSh dollariga teng investitsiya loyihasini amalga oshirish rejalashtirilmoqda.
🔹 Mazkur loyiha doirasida so‘ndirilgan ohakdan 20 turdagi mahsulot ishlab chiqarish yo‘lga qo‘yiladi. Ushbu mahsulotlardan oziq-ovqat, tibbiyot, qurilish materiallari hamda bo‘yoq ishlab chiqarish kabi qator sohalarda foydalanish mumkin.
🔹 Loyihani amalga oshirish masalalari yuzasidan hamkorlik uchrashuvi o‘tkazilib, unda ishlab chiqarishni yo‘lga qo‘yish, investitsiya loyihasini bosqichma-bosqich amalga oshirish hamda istiqboldagi hamkorlik yo‘nalishlari muhokama qilindi.
🔹 Mazkur loyiha tumanda yangi ish o‘rinlari yaratish, ishlab chiqarish hajmini oshirish va investitsiyalarni jalb etishga xizmat qiladi.
