Buloqboshi tumani hokimi Furqatbek Bo‘taxonov boshchiligida tuman prokurori Nodirbek Mamatazizov hamda mutasaddi tashkilot rahbarlari ishtirokida “Nayman” MFYda fuqarolar bilan uchrashuv o‘tkazildi.
2026-03-25 21:00:00 / Yangiliklar
Dastlab hududda olib borilayotgan bunyodkorlik va obodonlashtirish ishlari, ijtimoiy soha obyektlarining holati hamda mavjud muammolarni bartaraf etish bo‘yicha mas’ullar tomonidan ma’lumotlar berildi.
Shundan so‘ng uchrashuv davomida aholi tomonidan bildirilgan murojaatlar atroflicha o‘rganilib, ularning yechimi yuzasidan mas’ullarga aniq topshiriqlar yuklatildi.
Hokim tomonidan har bir yo‘nalish yuzasidan tizimli ishlarni kuchaytirish, aholining turmush darajasini oshirish hamda muammolarni qisqa muddatlarda hal etish bo‘yicha zarur ko‘rsatmalar berildi.
