Andijon viloyati Buloqboshi tumani hokimligi

Buloqboshi tumani hokimi F. Bo‘taxonov, tuman prokurori N. Mamatazizov, tuman IIB boshlig‘i J. Mamatqulov, tuman Mudofaa boshlig‘i S. Pirmatov hamda tuman imom-xatibi va ota-onalar ishtirokida yoshlarni harbiy xizmatga tantanali kuzatish marosimi bo‘lib o‘tdi. Tuman Mudofaa bo‘limi binosida tashkil etilgan tadbirda bir yillik muddatli hamda bir oylik safarbarlik chaqiruvi harbiy xizmatiga jo‘nab ketayotgan yigitlarga samimiy tilaklar bildirildi. So‘zga chiqqanlar tomonidan Vatanga sadoqat bilan xizmat qilish, yurt tinchligi va sarhadlarimiz daxlsizligini himoya qilish har bir yigitning muqaddas burchi ekani alohida ta’kidlandi. Shuningdek, yoshlarni mardlik, jasorat va intizom ruhida xizmatni o‘tashga chaqirilib, ota-onalarga farzandlariga bergan tarbiyasi uchun minnatdorlik bildirildi. Tadbir ko‘tarinki ruhda o‘tib, yigitlar tantanali ravishda chegaralarimiz sarhadlarini qo‘riqlash uchun kuzatildi.