Андижон вилоятининг сўлим гўшаларидан бири бўлган Булоқбоши туманидаги «Ширмонбулоқ» туризм мажмуаси сўнгги йилларда нафақат маҳаллий аҳоли, балки хорижий сайёҳлар учун ҳам севимли масканга айланиб улгурган.
2026-02-23 10:00:00 / Yangiliklar
Ушбу ҳудудда амалга оширилган кенг кўламли ободонлаштириш ва қурилиш-таъмирлаш ишлари мажмуанинг қиёфасини тубдан ўзгартириб, унинг туристик жозибадорлигини янги босқичга олиб чиқди.
Хозирги кунда масканга олиб келувчи ва унинг ички ҳудудидаги йўллар кенгайтирилиб, замонавий асфалт қопламаси ётқизилмоқда. Пиёдалар учун махсус йўлаклар ва дам олиш ўриндиқлари ўрнатилмоқда.
Бугун ушбу масканда туман ҳокими Фурқатбек Бўтахонов бошчилигида кенг кўламли ободонлаштириш ишлари олиб борилди, худудга манзарали ва мевали дарахт кўчатлари экилди, атрофлар тозаланиб, дарахтларга шакиллар берилди, бу эса мажмуада ўзига хос микроиқлим ва «яшил ҳудуд» ҳосил бўлишига хизмат қилмоқда.
