Хотин-қизларнинг бандлигини таъминлаш нафақат оилаларнинг даромадини оширади, балки ҳудуддаги "Аёллар дафтари"да турган фуқаролар сонини камайтиришга хам ёрдам беради.
2026-02-06 10:00:00 / Yangiliklar
Булоқбоши тумани ҳокими Фурқатбек Бўтахонов иш режасига асосан тумандаги ишсиз-хотин қизларни иш билан таъминлаш мақсадида"ФАЙЗ-М" тўқув-трикотаж корхонасида хотин-қизлар билан учрашув ўтказди.
Учрашувнинг асосий мақсади, ишсиз аёлларни корхонадаги мавжуд бўш иш ўринлари ва меҳнат шароитлари билан бевосита таништириш, муаммоларни ўрганиш яъни аёлларнинг ишга жойлашишига тўсқинлик қилаётган омилларни аниқлаш, хеч қандай ҳунари бўлмаган хотин-қизларни "устоз-шогирд" анъанаси асосида корхонанинг ўзида бепул ўқитиш тизимини йўлга қўйиш каби масалалар муҳокама қилинди.
Туман ҳокими учрашув якунида юқоридаги масалалар бўйича тегишли масъулларга кўрсатма ва топшириқлар бериб ижросини таъминлаш бўйича аниқ чора-тадбирлар белгиланди.
