Oqova suv xizmatlari sifati va aholi farovonligini oshirish borasidagi ishlar yuzasidan matbuot anjumani o‘tkazildi
2026-07-11 11:00:00 / Majlislar
Boyovut tumani “Suv yetkazib berish xizmati” davlat muassasasi tomonidan “Aholi farovonligi yo‘lida amalga oshirilayotgan ishlar” mavzusida matbuot anjumani tashkil etildi.
Unda ommaviy axborot vositalari vakillari, blogerlar hamda mutasaddi tashkilotlar ishtirok etdi.
Matbuot anjumanida muassasa rahbari tomonidan tumanda oqova suv xizmatlarini ko‘rsatish sifatini oshirish, oqova suv tarmoqlarini barqaror ishlatish, mavjud kanalizatsiya tizimlarini ta’mirlash va modernizatsiya qilish, avariya holatlarining oldini olish hamda xizmat ko‘rsatish samaradorligini yuksaltirish borasida amalga oshirilayotgan ishlar haqida batafsil ma’lumot berildi.
Shuningdek, oqova suv tarmoqlarida yuzaga kelayotgan nosozliklarni tezkor bartaraf etish, yangi obyektlarni kanalizatsiya tizimiga ulash, aholidan kelib tushayotgan murojaatlarni o‘z vaqtida ko‘rib chiqish hamda xizmatlar sifatini yanada yaxshilash bo‘yicha amalga oshirilayotgan chora-tadbirlar yuzasidan axborot berildi.
Ta’kidlanganidek, muassasa tomonidan oqova suv infratuzilmasini rivojlantirish, kanalizatsiya tizimlarining uzluksiz faoliyatini ta’minlash hamda ekologik xavfsizlikni mustahkamlash orqali aholiga qulay va sifatli kommunal xizmat ko‘rsatishga alohida e’tibor qaratilmoqda.