Sirdaryo viloyati Boyovut tumani hokimligi

Xotin-qizlarning jamiyatdagi rolini oshirish, gender tenglik va oila masalalari bo‘yicha respublika komissiyasi, O‘zbekiston Respublikasi Oliy Majlis Senatining Xotin-qizlar va gender tenglik masalalari qo‘mitasi, Oila va xotin-qizlar qo‘mitasi tomonidan “Gender tenglik faoli” milliy tanlovi har yili an’anaviy tarzda o‘tkazib kelinmoqda.

Bugun Tadbirkorlar va hunarmandlar markazida mazkur tanlovning Sirdaryo  viloyat bosqichi g‘oliblarini taqdirlash marosimi bo'lib o'tdi.  Tanlovda gender tenglikni ta’minlash sohasida yuqori natijalarga erishgan, ushbu yo‘nalishda jamiyat rivoji yo‘lida tashabbus ko‘rsatayotgan, xotin-qizlar huquqlarini himoya qilish, o‘z sohasiga tegishli yo‘nalishlarda dolzarb vazifalarni amalga oshirayotgan davlat organlari, tashkilotlar, hududiy tuzilmalar, nodavlat notijorat tashkilotlar, hokimliklar, tadbirkorlik sub’yektlari hamda ommaviy axborot vositalari qatnashdi.  Gʻoliblar tantanali ravishda e’lon qilindi va taqdirlandi.

Yakuniy natijalarga ko‘ra quyidagi ishtirokchilar g‘oliblikni hamda tanlovning respublika bosqichida ishtirok etish huquqini qo'lga kiritdi.


🟠“Gender tenglikni ta’minlashda eng faol ommaviy axborot vositalari” nominatsiyasi bo‘yicha g‘olib - Sirdaryo viloyati Adliya boshqarmasi matbuot hizmati bo‘limi

🟠“Gender tenglikni ta’minlashda eng faol hududiy davlat organi"  nominatsiyasi bo‘yicha g‘olib - Guliston Davlat pedagogika instituti

🟠“Gender tenglikni ta’minlashda eng faol NNT” nominatsiyasi bo‘yicha g‘olib - O‘zbekiston mahallalari uyushmasi Sirdaryo tumani bo‘limi

🟠“Gender tenglikni ta’minlashda eng faol tadbirkorlik sub’yekti” nominatsiyasi bo‘yicha g‘olib - Xovos tumani “Xovos Don mahsulotlari” AJ

🟠“Gender tenglikni ta’minlashda eng faol tuman (shahar) hokimligi”  nominatsiyasi bo‘yicha g‘olib  - Guliston tumani hokimligi