Sirdaryo viloyati Boyovut tumani hokimligi

Assalomu alaykum, Hurmatli deputatlar va sessiya ishtirokchilari.

2026-yilning I-choragida Boyovut tumanini ijtimoiy-iqtisodiy rivojlantirish, aholi farovonligini oshirish va hududlar salohiyatidan samarali foydalanish borasida belgilangan ustuvor vazifalar doirasida tizimli va maqsadli ishlar amalga oshirildi.

Jumladan, makroiqtisodiy ko‘rsatkichlarga to‘xtaladigan bo‘lsak Sanoat mahsulotlari ishlab chiqarish hajmi 1 582,0 mlrd so‘mga (o‘sish sur’ati 110,6 foiz), Qurilish ishlari hajmi 22,5 mlrd so‘mga (o‘sish sur’ati 104,5 foiz), Qishloq xo‘jaligi hajmi 312,5 mlrd so‘mga (o‘sish sur’ati 104,4 foiz), Xizmatlar hajmi 221,5 mlrd so‘mga (o‘sish sur’ati 100,2 foiz)ga yetkaziladi.

Investisiya dastur doirasida to‘g‘ridan-to‘g‘ri 30,5 mln dollar xorijiy investisiyalar (o‘sish 168,6 foiz) o‘zlashtirildi. Hududiy investisiya dasturi doirasida 640,0 ming dollarlik 5 ta loyiha ishga tushirilishi hisobiga 29 ta yangi ish o‘rinlari yaratildi.

Eksport hajmi 10,3 mln dollarni tashkil etdi (o‘sish 117,0 foiz). (Afg‘oniston davlatiga un maxsuloti hamda Xitoy va Rossiya davlatiga ip-kalava mahsulotlarinig eksport hajmi oshgan). Mahalliy soliq tushumlari 39,9 milliard so‘mni (reja 23,8 milliard so‘m) tashkil etib, belgilangan reja 167,4 foizga bajarildi (tushumlar o‘tgan yilning mos davriga nisbatan 123,4 foizga oshdi).

Shuningdek, yuqori turuvchi byudjetlarga soliq tushumlari (kontingent) 13,8  milliard so‘mni (reja 7,4 milliard so‘m) tashkil etib, belgilangan reja 186,0 foizga bajarildi (tushumlar o‘tgan yilning mos davriga nisbatan 209,0 foizga oshdi).

Kambag‘allikni qisqartirish yo‘nalishida 2026 yilning yanvar-mart oylarida amalga oshirilgan ishlar;

1.5 mingta kambag‘al oilaga (yil yakuni bilan 1.5 ming) “individual rejalar” asosida 2.9 mingta xizmatlar (yil yakuni bilan 5.8 ming) ko‘rsatiladi. Jumladan, kambag‘al oilalar a’zolarining 1.8 ming nafari (yil yakuni bilan 2.7 ming) doimiy ishga joylashtirildi,  0.7 mingiga kredit va subsidiyalar (yil yakuni bilan 1.3 ming) ajratiladi, 0.9 mingi (yil yakuni bilan 1.3 ming) tadbirkorlikka jalb qilinadi, 0.4 ming nafari (yil yakuni bilan 0.7 ming) kasb-hunarga o‘qitiladi. 2026 yilning I-chorak davomida kambag‘al oilalar a’zolarining 385 nafariga hizmat ko‘rsatildi. Jumladan, 186 nafar kambag‘al oilalarning a’zolari tadbirkorlikka, 36 nafariga ssuda, 87 nafari kasb-hunarga jalb qilindi va 76 nafari doimiy ishga joylashtirildi.    

 Bundan tashqari qo‘shimcha 195 nafar kambag‘allikka tushib qolish ehtimoli bo‘lgan oilalarga qo‘shimcha hizmatlar ko‘rsatildi va daromadlarini oshirish bo‘yicha ishlar amalga oshirilmoqda.

Ishsizlikni qisqartirish yo‘nalishida 2026 yilning yanvar-mart oylarida amalga oshirilgan ishlar;

Aholini bandligini ta’minlash va doimiy ish o‘rinlari bilan ta’minlash borasida qo‘yidagi ishlar amalga oshirilmoqda.

Joriy yilning 1 yanvar holatiga ishsizlik darajasi 5.3 foizni (3 ming) nafarni tashkil etmoqda.

Aholini bandligini ta’minlash va daromadini oshirish bo‘yicha -“Loyihaviy yondashuv”lar asosida 2.8 ming nafari.

Shundan:

-282 nafar doimiy ish o‘rni,

-2 447 nafar nafarini daromadi oshirilishi

-71 nafar nafarining ish o‘rnini legallashtirish hisobiga aholini bandligini va daromadi oshirilishiga erishildi.

Joriy yilda ishsizlik darajasini 2,3 foizga tushirish bo‘yicha ishlab chiqilgan loyihaviy yondashuvlar asosida jami 4544 ming nafar ishsiz fuqarolarning bandligi ta’minlanadi.

Jumladan,

- 1678 nafari-Barqaror kelajak dasturi orqali,

- 40 nafari-Mehnasevar ayol dasturi orqali,

- 146 nafari-Teng imkon – inklyuziv bandlik dasturi orqali,

- 6120 nafari-Bandlik organlari–ish beruvchilar xamkori dasturi orqali,

- 2560 nafari- Mikroloyihalar hisobiga ishsiz fuqarolarning bandligi ta’minlanadi.

Bundan tashqari:

- 2.8 ming nafari-mavsumiy ishlar hisobiga ya’ni pilla boqish orqali fuqarolarning daromadlari oshiriladi. yil yakuni bilan ishsizlik darajasi 2,3 foiz (1,3 ming nafar) bo‘lishiga erishamiz.

Jami 3658 nafar (reja 1934 nafar, rejaga nisbatan

189,1 foiz) aholi daromadli mehnat bilan ta’minlandi.

Shundan, doimiy ish o‘rinlariga joylashtirish hisobiga

525 nafar, aholi daromadini oshirish hisobiga 2728 nafar va ish o‘rinlarini soyadan chiqarish hisobiga 405 nafar aholi bandligi ta’minlandi. 3 065 nafar aholi tadbirkorlikka jalb qilindi (I-chorak reja 2000   nafar yoki rejaga nisbatan -153,0 foiz).

Shundan, o‘zini o‘zi band qilish hisobiga 2 471 ta,

yangi korxonalar tashkil etish orqali 293 ta, dehqon xo‘jaliklari hisobiga 301 ta aholi o‘z biznesini boshladi. Tumanda 14-30 yoshdagi 30 ming 768 nafar yoshlardan “Yoshlar balansi” shakllantirildi. Jumladan 23 ming 151 nafar “yashil”, 6  ming 874 nafar “sariq”, 743 nafar “qizil” toifalarga ajratib olindi. “Qizil” toifaga ajratib olingan 743 nafar yoshlarni ikki toifaga ya’ni

1. Ishsiz yoshlar

2. Alohida ishlash talab qilinadigan yoshlar toifasiga ajratilib olindi

Ishsiz yoshlar bilan ishlash bo‘yicha.

Joriy yilda 620 nafar ishsiz yoshlar 29 nafar (18 nafar viloyat, 11 nafari tuman darajasidagi) rahbarlarga biriktirildi. Hozirgi kunda qadar 542 nafar yoshlarning turli yo‘nalishlarda bandligi ta’minlandi.

Alohida ishlash talab qilinadigan yoshlar bo‘yicha.

Xatlovda aniqlangan alohida ishlash talab etiladigan yoshlarni hokimlik, huquq tartibot va mudofaa organlariga otaliqqa berish uchun 123 nafar yoshlar ro‘yxatlari shakllantirildi.

 Jumladan:

- tuman hokimligiga jami 25 nafar yoshlari biriktirilgan;

- mudofaa vazirligiga jami 28 nafar yoshlari biriktirilgan;

- tuman prokuraturasi jami 16 nafar yoshlari biriktirilgan;

- ichki ishlar bo‘limiga jami 42 nafar yoshlari biriktirilgan;

- favqulodda vaziyatlar bo‘limiga 12 nafar  nomma-nom biriktirildi.

Ushbu yoshlarning ham 63 nafarini hayotga moslashtirish choralari ko‘rildi hamda doimiy ish o‘rinlariga joylashtirilib kelinmoqda.

Qishloq xo‘jaligida agrotexnologiyalarni keng joriy etish, yer va suv resurslaridan oqilona foydalanish hamda eksportbop mahsulotlar ishlab chiqarish hajmini oshirishga ustuvor ahamiyat berildi. Zamonaviy intensiv agrotexnologiyalarni keng joriy etish natijasida hosildorlikni paxtachilikda 50 syentnerdan oshirish maqsadida tumanimizda “Shinjon” usulida paxta yetishtiriladigan maydonlarda 6 000 gektar 76 sm kenglikda qo‘shqator sxemada urug‘lik chigit ekildi.

Ijtimoiy sohani rivojlantirish, aholiga ko‘rsatilayotgan xizmatlar sifatini oshirish borasida joriy yilning

I-choragida: 2 ta maktabgacha ta’lim muassasasi foydalanishga topshirildi va 2 ta tibbiyot muassasasi rekonsturuksiya qilindi.

Misol uchun: “Madaniyat” mahallasida joylashgan 100 o‘rinli davlat xususiy sherikchilik asosida tashkil etilgan maktabgacha ta’lim tashkiloti hamda A.Navoiy mahallasida joylashgan 160 o‘rinli 6-sonli davlat maktabgacha ta’lim tashkiloti davlat dasturi asosida rekonstruksiya qilinib foydalanishga topshirildi.

“A.Temur” mahallasida joylashgan 6-sonli oilaviy poliklinika filialini 1,3 mlrd so‘m mablag‘ xisobiga rekonstruksiya qilindi hamda “Paxtakor” mahallasida joylashgan “Paxtakor” oilaviy shifokorlik punkitini 1,8 mlrd so‘m mablag‘ xisoboga mukammal ta’mirlash va jixozlash ishlari to‘liq olib borilib foydalanishga topshirildi.

Muhandislik kommunikatsiya va yo‘ltransport infratuzilmasini yaxshilash bo‘yicha:

1,8 km ichki yo‘llarga hashar yo‘li bilan shag‘al yotqizildi hamda “Sirdaryo mintaqaviy yo‘llarga buyurtmachi xizmati” DM tomonidan manzilli dasturi orqali 1,9 km asfaltlashtirildi.

8 ta mahallalarda (Sohil, S.Ayniy, Beruniy, Olmazor, Jo‘langar, Madaniyat, Do‘stlik va Ma’naviyat) 8 dona yangi nasos o‘rnatildi

 3 ta mahallalarda (Olmazor, Sohil va Boboyurt) 300 metr ichimlik suvi tarmoqlari tortildi.

Ichki imkoniyatdan kelib chiqib 3 ta mahallalarda (Muqimiy, Markaz va Paxtakor) 6 dona transformatorlarni mukammal ta’mirlandi.

 9 ta mahallalarda (Muqimiy, Markaz, Paxtakor, O‘zbekiston, Ijodkor, Bekat, Sohil, A.Navoiy va Madaniyat) 0,4 kVt 44 km elektr havo tarmog‘i joriy ta’mirlandi. 5 ta mahallalarda (Ijodkor, Bekat, Sohil, A.Navoiy va Madaniyat) 14 ta transformatorlarni joriy ta’mirlandi;

11 ta mahallalarda (Jo‘langar, A.Navoiy, Beruniy, Ma’naviyat, Anorzor, Olmazor, Navbahor, Boboyurt, O‘zbekiston, S.Ayniy, Bekat va Mirishkor) 65 dona yaroqli ustunlar o‘rnatildi.

O‘zbekiston Respublikasi Prezidentining 2024-yil 23-sentyabrdagi PQ-139-sonli qarori asosida 4 ta mahallalarda (Boboyurt, Muqumiy, Do‘stlik va Madaniyat) 6 km xavo tarmog‘i tortildi va 11 ta mahallalarga (Navbahor, Madaniyat, Ijodkor, Boboyurt, O‘zbekiston, Muqumiy, Markaz, Do‘stlik, Mirishkor, U.Yusupov va Bekat) 414 dona yangi beton ustunlar o‘rnatildi. Boyovut-Shirin yo‘nalishdagi yuqori bosimli 500 metr gaz tarmoqlari tartibga keltirildi.

Xulosa o‘rnida ta’kidlash joizki, hisobot davrida belgilangan vazifalar ijrosi ta’minlandi, erishilgan natijalar mavjud salohiyatni to‘liq ishga solgan holda yanada mustahkamlanadi.

E’tiboringiz uchun rahmat!