Boyovutda ochiqlik va shaffoflik masalalariga bag‘ishlangan matbuot anjumani o‘tkazildi
2026-03-27 10:00:00 / Yangiliklar
Boyovut tuman gaz ta’minoti filiali tomonidan ochiqlik va shaffoflikni ta’minlash, korrupsiyaning oldini olishga qaratilgan matbuot anjumani tashkil etildi.
Tadbirda filial rahbari Hakim Ko‘chimov so‘zga chiqib, sohada ochiqlikni ta’minlash, fuqarolar murojaatlari bilan ishlashni takomillashtirish hamda korrupsion holatlarning oldini olish borasida amalga oshirilayotgan ishlar yuzasidan ma’ruza qildi.
Shuningdek, anjumanda tizimda shaffoflikni kuchaytirish, xizmatlar sifati va aholiga ko‘rsatilayotgan gaz ta’minoti xizmatlarini yaxshilashga qaratilgan chora-tadbirlar haqida atroflicha ma’lumot berildi.
Ta’kidlanganidek, ochiqlik va hisobdorlikni ta’minlash, korrupsiyaga qarshi murosasiz kurashish tizim faoliyatining ustuvor yo‘nalishlaridan biri hisoblanadi.
Matbuot anjumani davomida jurnalistlar va ommaviy axborot vositalari vakillarining savollariga batafsil javoblar qaytarildi.