Qoraqalpog'iston Respublikasi Beruniy tumani hokimligi

Brokkoli karami yetishtirishda Beruniylik tomorqachining tajribasi

Brokkoli-bu karamlar oilasiga mansub sabzavot bo'lib, Italiya davlatidan kelib chiqqan va hozirda deyarli barcha mamlakatlarda yetishtiriladi. Parhezbop mazkur karam bugungi kunda Qoraqalpog'iston sharoitida ham yetishtirilib, tajribali tomorqachilar tomonidan ichki bozor va eksportga yo'naltirilishi boshlangan.

Beruniy tumani Birlik mahallasida yashovchi namunali tomorqachi Yo'ldosh Narimbetov brokkoli karamni yetishtirishda 3 yillik tajribaga asoslanib, bu borada o'rgangan bilimlari joriy yilda yetishtirgan hosilida o'z natijasini berdi. 1-avgust kuni 1.5 gektar maydonga ekilgan ko'chatlar hozirda maromida tayyor bo'lgan. Har bir karam 500 gr dan 1 kg gacha og'irlikda pishib yetilgan. 1.5 gektar maydondan 15 tonna hosil olish ko'zlanmoqda.

Asosiysi, bu poliz ekinini yetishtirishda tajribaning yetarli bo'lgani sabab, keyingi yillarda boshqa mahallalarda ham yo'lga qo'yishni, an'anaviy poliz mahsulotlarini yetishtirishdan ko'ra serdaromad turlarni ekishga va bu borada ko'nikmalarni oshirish aholining yanada farovon turmush kechirishiga, daromadli bo'lishiga, yerdan samarali foydalanishiga asos bo'lib xizmat qilishiga ishonamiz.