Qoraqalpog'iston Respublikasi Beruniy tumani hokimligi

Beruniy tumani hokimi Ikram Xidirov va huquqni muhofaza qiluvchi organ rahbarlarining yoshlar bilan uchrashuvi bo‘lib o‘tdi. Ho‘sh bugun yoshlarning muommolari nimalardan iborat, ularning masalalariga qay darajada jiddiy e’tibor qaratilgan?

Beruniy tumani aholisining qarib 54 mingini yoshlar tashkil etadi. Ularning murojaatlarini o‘rganish, tizimli ishlarni tashkil qilish maqsadida har haftaning payshanba kuni hurmatli Prezidentimiz tomonidan “Yoshlar kuni” deb e’lon qilingan va ushbu kunda barcha bo‘g‘indagi rahbarlar yoshlar bilan uchrashib ularning muommolarini tinglaydi hal qiladi huquqiy yordamlar beradi. Bugun Beruniy tumani hokimi boshchiligida o‘tkazilgan uchrashuv davomida ham yoshlarning turli masalalari bo‘yicha murojaatlari tinglandi. 15 nafar yoshlardan doimiy ish bilan bandlik masalasi, kredit olishda yuzaga kelayotgan to‘siqlar, o‘z tadbirkorligini boshlash istagidagi yoshlarning murojaatlari soha vakillari bilan birgalikda o‘rganildi. Oliy ta’limni tugatib yo‘nalishi bo‘yicha ish izlayotgan yoshlar tuman maktabgacha va maktab ta’limi bo‘limiga yo‘naltirilgan bo‘lsa, o‘z tadbirkorligini boshlash istagidagi yoshlar uchun biznes sayohat tashkil etilishi belgilandi. Bir qancha masalalar bo‘yicha tushuntirishlar berilib, nazoratga olingan murojaatlar joyiga chiqqan holda o‘rganilishi topshirildi. Shu bilan birga tadbir ishtirokchilariga tumandagi bo‘sh ish o‘rinlari haqida ham ma’lumot berib o‘tildi. Bunday uchrashuv va muloqotlar tizimli o‘tkazilar ekan, kelajak egalarining ertangi kunga bo‘lgan ishonchi yanada ortishiga ishonamiz.