Yashirin iqtisodiyotning oldini olish shaffoflikni ta'minlashdagi asosiy maqsaddir.
2026-06-12 10:25:00 / Yangiliklar
O'zbekiston Respublikasi Prezidentining 2020 yil 30 oktyabrdagi “Yashirin iqtisodiyotni qisqartirish va soliq organlari faoliyati samaradorligini oshirish bo'yicha tashkiliy chora-tadbirlar to'g'risida”gi PF–6098-son Farmoni ijrosini ta'minlash maqsadida Beruniy tuman prokuraturasi tomonidan yashirin iqtisodiyot ko'lamini qisqartirish, soliq tushumlarini oshirish hamda sohadagi qonunbuzilishlarning oldini olish borasidagi ishlar doimiy nazoratga olingan. Xususan, byudjet tushumlarini ta'minlashga qaratilgan 13 ta yo'nalish bo'yicha ishchi guruh tomonidan amalga oshirilgan ishlar muhokama qilinib, mas'ul tashkilot va idoralar rahbarlariga tegishli topshiriqlar berildi. Shuningdek, tumanda faoliyat yuritayotgan kar`erlarda foydali qazilmalarning qazib olinishi, yuk avtomobillari tomonidan tashilayotgan mahsulotlar uchun har bir qatnov bo'yicha yuk xatlarining rasmiylashtirilishi hamda raqamlashtirilgan avtomobillarga xizmat ko'rsatish sohalarining faoliyati o'rganildi. Bundan tashqari, tuman prokurorining tashabbusi bilan tumandagi qiymatli chorva mollari bozoriga sun'iy intellekt texnologiyasi asosida ishlovchi “aqlli kamera” o'rnatilib, soliq organlarining axborot tizimiga integratsiya qilindi. Natijada bozordagi savdo jarayonlarining shaffofligi ta'minlanib, yashirin iqtisodiyot va maishiy korruptsiya holatlarining oldini olishga erishildi.