Ma'naviy-ma'rifiy ishlar samaradorligini oshirish bugungi kunning muhim vazifasi.
2025-12-23 21:15:00 / Yangiliklar
Hurmatli Prezidentimiz tomonidan ma'naviyat va ma'rifat sohasini yanada rivojlantirishga qaratilgan bir qancha qarorlar qabul qilinib, bu borada respublikamiz bo'ylab qator tizimli ishlar amalga oshirildi. Beruniy tumanida ma'naviy-ma'rifiy ishlar samaradorligini oshirish, bu borada korxona-tashkilotlar bilan yil boshidan tasdiqlangan yo'l xaritasida belgilangan chora-tadbirlarni amalga oshirilganligi hamda 2025 yil yakunlari va 2026 yil rejalariga bag'ishlangan seminar bo'lib o'tdi. Respublika Ma'naviyat va ma'rifat markazi Beruniy tumani bo'linmasi tomonidan o'tkazilgan mazkur seminarda hamkor korxona-tashkilotlarning ma'naviy-ma'rifiy ishlar bo'yicha mas'ul xodimlari ishtirok etdi. Korxona-tashkilotlarning ma'naviy imidjini yaratish, xodimlar orasida kitobxonlikni targ'ib qilish, sog'lom ma'naviy birdam muhitni shakllantirishda yil davomida qator madaniy-ma'rifiy tadbirlar bo'lib o'tdi. Albatta, har bir jarayonda milliy va umuminsoniy qadriyatlarga tayangan holda ish olib borildi. Umumiy o'rta ta'lim maktablarida “Kelajak soatlari” tashkil etilib, ularda milliylikka asoslangan qisqa metrajli filmlar, kinokarvon loyihalari o'tkazildi. Seminar davomida xodimlar o'rtasida intellektual salohiyatni yuksaltirishga bag'ishlangan “Zakovat Kuiz” o'yini bo'lib o'tdi. 2025 yil davomida faol bo'lgan va o'z ishiga sidqidildan yondashib, fidoiy xizmat qilgan bir guruh xodimlar tuman hokimining tashakkurnomalari bilan taqdirlandi.