Qoraqalpog'iston Respublikasi Beruniy tumani hokimligi

Hurmatli Prezidentimiz rahbarligida mamlakatimiz iqtisodiy, siyosiy va ijtimoiy xayotining barcha jabxalarida xotin-qizlarning faolligini oshirish, ularning ta'lim va kasbiy ko'nikmalar olishi hamda bandligini ta'minlashga  har tomonlama ko'maklashish, tadbirkorlik tashabbuslarini yanada qo'llab-quvvatlash, xotin-kizlar bandligini ta'minlash, davlat va jamiyat boshqaruvidagi nufuzini oshirish, gender tenglik, oila, onalik va bolalikni himoya qilish borasidagi ishlarni yangi bosqichga ko'tarish masalasiga alohida e'tibor qaratilgan. Har yili xotin-qizlarning ijtimoiy himoyasini kuchaytirishga qaratilgan ishlarni yangi bosqichga olib chiqish maqsadida “Ayollar daftari” shakllantiriladi. Beruniy tumani “Ayollar daftari” ning 6-bosqichi toifalariga kiritish maqsadida 6070 nafar xotin-qizlarning ruyxati shakllantirildi va “Ayollar daftari” yakuniga ko'ra kiritildi.

Tumanda  2025 yil davomida ijtimoiy ximoyaga muxtoj  xotin-qizlardan 6043  nafariga turli  yordamlar ko'rsatildi. “Ayollar daftari”ning 1-toifasi ijtimoiy ximoyaga muxtoj ishsiz xotin-qizlardan  4906 nafarining bandligi ta'minlandi. “Ayollar daftari” ning 6-bosqichiga Beruniy tumani O'razboy Jumaniyazov mahalla fuqarolar yig'inidan 178 nafar xotin-qizlar xatlov asosida kiritilib, ularga o'z ishlarini boshlashlari uchun yordamlar ko'rsatilgan.

Beruniy tumani tibbiyot birlashmasiga qarashli Jumaniyazov oilaviy shifokorlik punkti davlat investitsiya dasturi asosida qayta rekonstruktsiya qilingan. Hududdagi 5463 nafar aholiga tibbiy xizmat ko'rsatib keladi. “Ayollar daftari” dagi xotin-qizlar tibbiy ko'rikdan o'tkazilib, tegishli tor doira shifokorlar tomonidan muolajaga yo'naltirildi.

Shu hududda yashovchi Muqaddas Xalmuratova 22 yildan beri tikuvchilik hunari bilan shug'ullanadi. Zamon talabiga mos kiyim-kechaklar va pardalarning turlarini o'rganish maqsadida Farg'ona viloyatidagi qisqa kurslarda malaka oshirib kelgan. O'rganganlari asnosida turli bichimdagi kiyimlarni tikib, shogirdlariga ham o'rgatib boshlagan. Hunarmand uyushmasiga a'zo bo'lib, besh nafar shogird qizlariga tikuvchilikning sir-asrorlarini o'rgatib kelmoqda. Davlatimiz tomonidan berilayotgan imkoniyatlardan unumli foydalanib, ishini yo'lga qo'ygan, qo'shimcha daromad olayotgan ayollar bugungi kunga kelib faoliyatlarini yanada kengaytirishni, qo'shimcha ish o'rinlari yaratib, eksportbop mahsulotlar ishlab chiqarishni reja qilgan. Demak, islohotlar samarasi har qadamda namoyon bo'lib, insonlarning farovon hayot kechirishiga sabab bo'lmoqda.